Showing results by narrator "Milind Kulkarni" in All Categories

उच्च शिक्षण, तंत्रज्ञानात नवनवीन प्रयोग करून पाहण्याची उर्मी, सतत नव्या उत्पादनांचा ध्यास आणि मायभूमीशी घट्ट जुळलेली नाळ या चारही गोष्टींचा संगम म्हणजे डॉ. रविंद्र कुलकर्णी या उद्योजगाचं व्यक्तिमत्व आहे.

स्वप्नील हा तरुण उद्योजक जुने कपडे दहा रुपये दराने विकत घेतो आणि त्यापासून विविध उत्पादने तयार करून विकतो. जुन्या कपड्यांपासून नवे कपडे आणि इतर वस्तू बनवण्याच्या त्याच्या या आगळ्यावेगळ्या उद्योगाबद्दल ऐका, यशस्वी उद्योजकच्या या भागात.

साध्या गृहिणीपासून ते उद्योजक होण्यापर्यंतचा कमल कुंभार यांचा प्रेरणादायी प्रवास कसा झाला… ऐका, मिलिंद कुलकर्णी यांच्यासह.

चेतन केतकर यांचं नेमकं वर्णन करायचं तर 'काळापुढती दोन पावले' अशा शब्दांत करावं लागेल. गणेशमूर्तींचा म्हणजे परंपरेने चालत आलेला व्यवसाय ते करतात पण तो करताना सध्याच्या काळापुढे उभं असलेलं पर्यावरणहानीचं संकट ओळखून पर्यावरणस्नेही गणेशमूर्ती बनवतात शिवाय त्याची ऑनलाईन विक्रीही! काळाशी सुसंगत उद्योजकता करणाऱ्या उद्योजकाची ही कहाणी!

भेळेचा व्यवसाय एखाद्याला हातावर पोट असलेला भेळवाला ते करोडपती भेळवाला इतकं मोठं करू शकतो. उदरनिर्वाहासाठी चार पैसे मिळवण्यासाठी आईने सुरू केलेल्या या व्यवसायाचं स्वरुप कल्याण भेळेच्या मालकांनी आमूलाग्र बदलून टाकलं आहे. दशदिशांनी वाढणाऱ्या पुण्यातील खवय्यांनी आपल्या पसंतीचा शिक्का कल्याण भेळेवर ठळकपणे उमटवला आहेच, पण परदेशात राहणाऱ्या मराठी मंडळींनी देखील या भेळेला आपलंसं केलेलं आहे.

बँक, सहकारी बँक, पतसंस्था वा गरजू महिलांना व्यवसायाकरता आर्थिक पाठबळ पुरवणारे बचतगट…अशा विविध वित्तीय संस्था खूप महत्वाचं काम करतात, या संस्थांमध्ये उद्योजकतेच्या नेमक्या कोणत्या संधी असतात, त्या कशा हेराव्यात, या मुद्दयांचा वेध घेणारा हा छोटेखानी लेख.

2010 मध्ये पुण्यातली जर्मन बेकरी बॉब्मस्फोटानं हादरली. या धक्क्यातून सावरत या हॉटेलनं पुन्हा फिनिक्स पक्ष्यासारखी राखेतून भरारी घेतली. कशी? ते ऐकुया, यशस्वी उद्योजकच्या या भागात मिलिंद कुलकर्णी यांच्यासह.

कोणत्याही उद्योगाचा केंद्रीभूत घटक म्हणजे ग्राहक. आपल्या नावीन्यपूर्णतेने ग्राहकांच्या समाधानाची खात्री करून घेणं कोणत्याही उद्योजकाला क्रमप्राप्त आहे. मात्र त्याकरता कोणकोणत्या दिव्यांतून जावं लागतं, काय काय करावं लागतं, याचा वस्तुपाठ म्हणजे ही कहाणी. ऐका, मिलिंद कुलकर्णी यांच्यासह!

कोणत्याही उद्योगाला, व्यवसायाला आपलं उत्पादन, सेवा ग्राहकांपर्यंत घेऊन जाण्यासाठी आणि तिचं महत्व ग्राहकांच्या मनावर परिणामकारकेतेने बिंबवण्यासाठी गरज असते ती ब्रॅंड नेमची आणि असं आकर्षक ब्रॅंड नेम मार्केटिंगमार्फत लोकांपर्यंत अधिकाधिक पोहोचवण्याची.

उद्योजकतेच्या संधी ठायी ठायी विखुरलेल्या असतात. हाडाचा उद्योजक त्या नेमकेपणानं हेरतो आणि त्याचं एका उद्योगात रुपांतर करतो. उद्योग कशाचाही करता येतो. लोकांच्या गरजा आणि आपल्याकडची उत्पादनक्षमता यांचा ताळमेळ जमवता आला तर उद्योजक बनणं अवघड गोष्ट नाही.

कॅड ही संगणकप्रणाली वापरून अनेक सॉफ्टवेअर्स बनवता येतात. प्रत्येक उद्योगाच्या गरजेप्रमाणे त्यांचं स्वरूप बदलतं. अनेक उद्योगांना अशी सॉफ्टवेअर्स तयार मिळाली तर बरीच मदत होते. हेच लक्षात घेऊन पुण्यात दोन मित्रांनी कॅडकॉम्पचा व्यवसाय सुरू केला. काय आहे हा आगळावेगळा व्यवसाय...जाणून घ्या या यशोगाथेतून. मिलिंद कुलकर्णी सांगत आहेत, 'कहाणी मैत्रीची यशस्वी उद्योजकतेची'

केवळ पुण्यातच नव्हे, तर जगभर प्रसिद्ध असलेल्या 'वाडेश्वर' हॉटेलच्या यशस्वितेची ही कहाणी ऐका, मिलिंद कुलकर्णी यांच्यासोबत.

महिलांमध्ये उद्योजकता उपजतच असते. काहींना ती सिद्ध करण्याची संधी मिळते, काहींना मिळत नाही. कुटूंब चालवण्यासाठी भाजी विकणं, मेस चालवणं, शिवणकाम करणं असे अनेक उद्योग हजारो महिला करतात. उपलब्ध उद्योगसंधींचा चांगला फायदा करून घेतात. अशाच हरहुन्नरी महिलांमधील उद्योजगता हेरून त्यांच्या व्यवसायाला बळकटी देण्याचं काम 'अन्नपूर्णा' या संस्थेच्या माध्यमातून मेधा सामंत गेली अनेक वर्ष करत आहेत. म्हणजे मेधाताई नेमकं काय करतात? ऐका मिलिंद कुलकर्णी यांनी सांगितलेली 'अन्नपूर्णा'ची ही कहाणी.